ԱԻՄ ՅԱՅՏԱՐԱՐՈՒԹԻՒՆԸ 

«Յուլիսի 29-ի յանցաւոր իրադարձութիւնները դատապարտելը, նոր ձերբակալուածների անունները ներկայացնելը եւ նախկինում ազդարարուած քաղաքակն ծրագրերը վերստին մատուցելը կարեւոր են, բայց ոչ բաւարար։ Այս իրավիճակում պէտք է ամփոփել կատարուածը, քննարկել հնարաւոր զարգացումները, ճշտել մեր անելիքները մեր կարողականութեան շրջանակներում եւ գործել։ 

Սադրանքներով ուղեկցուած զանգուածային բռնարարաքները ցոյց են տալիս, որ դրանք կազմակերպւում են ժողովրդի ուշադրութիւնը հիմնական խնդիրներից շեղելու, պայքարի ազգային ազատագրական մակարդակը իջեցնելու, քաղաքացիներին վախեցնելու եւ ոստիկանական ուժերին բախումների մէջ քաշելով նրանց ամբողջութեամբ սեփական ժողովրդից օտարացնելու, բռնակալներին հաւատարմօրէն ծառայել պարտաւորեցնելու նպատակով։ Այս իրավիճակում պատահական մարդկանց, անկազմակերպ՝ կազմակերպական հենարան չունեցող անհատներին կամ միակուսակցական ուժերին վստահելը հղի են նոր ձախողումներով, եւ որն աւելի կարեւոր է՝ քաղաքացիների նոր հիասթափութիւններով։ 
Երբ Ռոբերտ Քոչարեանն ասում էր, որ ինքը ի տարբերութիւն Շեվարդնաձէի հրաժարական չի տայ, որովհետեւ իրենք ուժեղ են, ուժային համակարգում առաջատար դէմքը Սերժ Սարգսեանն էր։ Հիմա Սերժ Սարգսեանը Ռոբերտ Քոչարեանի տեղում նոյն մոլորութեան մէջ է։ Նրանք չգիտեն, որ սեփական ժողովրդից ուժեղ լինելու փորձը դէպի ինքնասպանութիւն տանող ճանապարհ է։ 
Համազգային աջակցութիւնը ցոյց տուեց, որ «Սասնա ծռեր»-ի բարձրացրած խնդիրներն ու նպատակները միայն իրենցը չեն։ Այսօր ամենայն պատասխանատւութեամբ կարելի է արձանագրել, որ Սերժ Սարգսեանի վարչախումբը ու նրա վարած ազգադաւ քաղաքանութիւնը (Հայաստանը ռուսական գաղութի վերածելը, սահմանադրութեան հանրաքուէի կեղծումը եւ այլն) անընդունելի են հայութեան հիմնական մասի համար։ 
Իշխանութիւնների գլխաւոնր ուժը ընդդէմ խաղաղ ցուցարարների սադրիչներն են, որոնց դէմ պայքարելու քաղաքացիական միակ ուժը կազմակերպուածութիւնն է՝ կայացած կազմակերպական կառոյցների միջոցով։ Կուսակցութիւնները, կայացած քաղաքացիական շարժումները, մեծ հասարակական կազմակերպութիւնները, այսինքն՝ քսան (գոնէ տաս) պատասխանատու կարգադրիչներ տրամադրելու ընդունակ կառոյցներն են, որ կարող են կազմակերպուած իրականացնել հետագայ արիւնահեղութիւնը կանխելու եւ խաղաղ ցոյցերով ժողովրդի պահանջները իշխանութիւններին ներկայացնելու նպատակները։
Դրանից ելնելով ԱԻՄ-ը կոչ է անում բոլոր այն ուժերին, որոնք ընդունում են ապստամբած «Սասնա ծռերի» ազգային ազատագրական պայքարի գլխաւոր գաղափարը, պատրաստ են լինել (կամ արդէն կան որպէս այդպիսին) նոյն գաղափարների քաղաքական կրողները եւ ունեն կազմակերպական ներուժ, կարող են անհապաղ, անմիջապէս ի մի գալ միասնական համակարգիչ խորհուրդ ստեղծելու նպատակով։ Դրա համար բոլորս պիտի ի զորու լինենք մոռանալ բոլոր հին ու նոր տարաձայնութիւնները, վիարաւորանքներն ու հիասթափութիւնները։ Դա է ժամանակի պահանջը։

Յ. Գ. Օրուայ հրամայականին ընդառաջ գնալու պատրաստ ուժերի ներկայացուցիչները կարող են կապուել հետեւեալ հեռախօսահամարներով՝ 093-30-07-09, 094 91 81 25։ 

• Next >