Պատմության կարևորագույն իրադարձությունները կրկնվում են. անցնող տարում ականատես եղանք մի երևույթի, որ եթե խորապես ուսումնասիրած լինեինք, կկարողանայինք կանխել: Այսօր լրագրողների հետ հանդիպմանը ԱԻՄ առաջնորդ Պարույր Հայրիկյանը նշեց, որ տարին ամփոփելով ինչի մասին էլ խոսեն, ամենքը նայելու են իրենց համար արժեք ներկայացնող տեսանկյունից: Գալիք տարին, ըստ Հայրիկյանի, բացարձակ ժողովրդավարական մոդելը կյանքի կոչելու տարի պիտի լինի:
«Մեր օրերում, երբ Հայաստանն իր արժեհամակարգին համապատասխան ընդամենը պիտի մերձեցներ իր հարաբերությունները ԵՄ հետ, կատարվեց մի բան. հստակ կողմնորոշում հայտարարած իշխանությունները հայտարարեցին, որ նախընտրում են Ոսկե հորդան, իսկ դա չարիք է: Ամենամեծ բնապահպանը եղել է Չինգիզ խանը (այսպես էին ասում սարկազմով), քանի որ նա երեսուն միլիոն մարդ կոտորեց, և անտառները վերականգնվեցին: Նրանք նախընտրեցին Մաքսային միությունը, որ անգամ ձևավորված չէ, հայտնի չէ՝ որն է այն արժեքը, որի շուրջ համախմբվելու են այդ երկրները»,- ասաց նա: Հայրիկյանի խոսքով՝ ՄՄ-ում պարզապես երեք դիկտատորներ «պանյատիաներով» հավաքվել են. սովորաբար գաղափարախոսության շուրջ են համախմբվում, իսկ այս մարդիկ՝ «պանյատիաների», հենց իրենք են այդ մասին նշում:
ԱԻՄ առաջնորդի խոսքով՝ հայ հասարակությունն ինչ-որ պահի շոկի մեջ էր, քանի որ անընդհատ ասել ենք, որ ԵՄ ենք գնում, սակայն քանի որ նաև ասում էին հնարավոր է ԵՄ կամ ՄՄ, դրա համար բողոքի բուռն դրսևորումներ չեղան, իսկ քաղաքական ուժերից միայն «Հանրապետություն», «Ժառանգություն», «Ազատ դեմոկրատներ» և ԱԻՄ կուսակցություններն են հստակ դեմ արտահայտվել: «Մենք հարցումներ ենք արել. հարցվածների 27 տոկոսն ազատ-անկախ Հայաստանի կողմնակից է, 23 տոկոսը՝ ՄՄ, 30 տոկոս՝ ԵՄ: Եթե ինչ-որ հարցում ձեռքբերում կա, դա մանրուք է այս մեծագույն կորստի համեմատ: Մենք այսօր որևէ ձեռքբերման մասին խոսել չենք կարող, խայտառակ վիճակում ենք, աշխարհում որևէ մեկը չի կարող պատկերացնել, որ դու կարող ես առևտուր կատարել, երկու տարի հետո նոր որոշել՝ ինչ գին պիտի վճարես: Մեզ ուզում են դարձնել անբարո, փչացած հասարակություն, որովհետև միայն նրանց վրա կարող ես իշխել»,- ասաց նա:
Աղբիւր՝ 1in.am
Որոնում
Վերջին տեսանիւթեր
Պարոյր Հայրիկեանի ասուլիսը ՀԱՅԱՑՔ ակումբում, 13-ը ապրիլի 2016 թուական
Համախմբում ալընտրանքային նախագծի շուրջ՝ Սահմանադրական դավադրությանը «ոչ» ասելու համար
Ովքե՞ր էին դեմ անկախությանը. հռչակագրի ընդունումից 25 տարի անց Հայաստանի անկախությունը վտանգված է
Պարոյր Հայրիկեանի ասուլիսը ՊՈՍՏ ՍԿՐԻՊՏՈՒՄ ակումբում 28-ը ապրիլի, 2015 թուական
Նույն է, որ սիրո առաջարկ անողին կալանավորեն բռնաբարության փորձի համար. Հայրիկյան
P.S. Հյուրը Պարույր Հայրիկյանն է
Պարոյր Հայրիկեանի ասուլիսը ՀԱՅԱՑՔ ակումբում 10-ը մարտի, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում, 14-ը փետրուարի, 2015 թուական
Պարոյր Հայրիկեանի ասուլիսը յունուարի 31-ին, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում 13-ը նոյեմբերի, 2014
