Խորհրդարանական ընտրություններին ԱԻՄ-ն արդեն սկսել է մասնակցել՝ ընդդիմադիր ուժերի միավորման եւ ժողովրդավարական դաշինք ստեղծելու կոչով: Այս մասին այսօրվա ասուլիսում հայտարարել է ԱԻՄ առաջնորդ Պարույր Հայրիկյանը: Նրա խոսքով՝ այդպիսի դաշինքով հնարավոր կլինի հանրապետականներին ուղարկել հանգստի կամ ընդդիմադիր դաշտ: Հանրապետական կուսակցությունը Ուժեղ ընդդիմությանը միշտ կողմ է արտահայտվել՝ շեշտել է հանրապետական պատգամավոր Սուքիաս Ավետիսյանը: Դեմկուսի փոխնախագահ Ժասմին Ղեւոնդյանի խոսքով՝ ավելի բարոյական կլինի, եթե Հանրապետականը կառուցողական ընդդիմության մասին խոսելու փոխարեն հեռանա:

ԱԻՄ ղեկավար Պարույր Հայրիկյանի խոսքով՝ իրենք առաջինն են կոչ արել ժողովրդավարական դաշինք ստեղծելու մասին եւ մինչեւ դեկտեմբերի վերջ կսպասեն քաղաքական ուժերի արձագանքներին: Դրանից հետո մեկ այլ ծրագիր ունենք՝ ասաց Հայրիկյանը:

«Եթե մենք հիմա չստանանք աջակցություն քաղաքական ուժերից եւ միասնական ճակատով չգնանք, մենք մտածում ենք հայտարարել «Ժողովրդավարական Հայաստան» միավորման ստեղծման մասին, որի մեջ հրավիրելու ենք ընդգրկվել անհատ մարդկանց՝ քաղաքացիների: Իհարկե, դա մի փոքր ավելի ժամանակ է պահանջում, բայց չենք բացառում, որ այդ կերպ էլ հնարավոր է միավորել»:

Առաջարկ է եղել, որ երկրում իրավիճակը բարելավվի, ով որ չի միանում համարում ենք, որ խաղից դուրս է՝ պարզաբանեց Պարույր Հայրիկյանը: Եթե արձագանք չկա՝ ուրեմն կամ հետին նկատառում ունեն, կամ՝ վախեցրել են: Արձագանքելով հարցին, որ «Լուսավոր Հայաստան» դաշինք է ստեղծվել՝ Հայրիկյանն ասաց, որ իրեն չի էլ հետաքրքրում՝ այդ դաշինքն ընդդիմադի՞ր է, թե՞ իշխանական, իսկ այն ստեղծող երեք ուժերին էլ իրենք դիմել են ու պատասխան չեն ստացել: Հայրիկյանի գնահատմամբ՝ անշնորհքություն է, երբ իրենց կոչն արձագանքելու փոխարեն փոքր դաշինք են ստեղծում ու ասում, թե եկեք դուռը բաց է:  Նրա խոսքով՝ երկրում ստեղծված վիճակը ընդդիմության կամ իշխանության հարց չէ եւ համազգային մոտեցում է պահանջում: Ինչո՞ւ  չեն արձագանքում՝ հռետորական հարց հնչեցրեց Պարույր Հայրիկյանը:

Հանրապետական պատգամավոր Սուքիաս Ավետիսյանը դաշինքների ձեւավորումը բնական գործընթաց է համարում: «Լուսավոր Հայաստան»-ին անդամակցող ուժերին գնահատական նա չցանկացավ տալ: Կարծիք հայտնեց միայն, որ վերջին տեղական ընտրությունները պիտի դաս լինեին՝ ռազմավարություն վերանայելու առումով, թե ում հետ եւ ինչ ձեւով կարելի է դաշինք կազմել՝ առաջիկա համապետական ընտրություններում իրենց դերակատարումն ունենալու համար:

Հայաստանի դեմոկրատական կուսակցության փոխնախագահ Ժասմին Ղեւոնդյանի խոսքով՝ առաջիկա ընտրություններում էլ փողի մրցակցություն է լինելու եւ ոչ գաղափարների:

Հայաստանում որեւէ բան անել հնարավոր չէ՝ առանց միասնական ժողովրդական դաշինք ստեղծելու՝ համոզմունք հայտնեց Պարույր Հայրիկյանը: Ըստ նրա՝ եթե հնարավոր չլինի համախմբվել միասնական ուժերով ազգային հարցեր լուծելու համար, ապա մնացած ամեն-ինչն ավելորդություն է:

Ի դեպ, Պարույր Հայրիկյանն ասաց, որ իրենք կոչով դիմել են նաեւ Դեմկուսին: Այստեղից նույնպես արձագանք չի ստացել: Դեմկուսի փոխնախագահը, սակայն, Հայրիկյանի այս մասով դիտարկմանը որեւէ կերպ չարձագանքեց:

ԱԻՄ առաջնորդ Պարույր Հայրիկյանը հակասահմանադրական է համարում սահմանադրական փոփոխությունները:

«Խաբեություն, անազնվություն, կեղծիք, ժողովրդավարության կրճատում լինելով՝ սա ապօրինի գործընթաց է»,- այսօր «Տեսակետ» ակումբում սահմանադրական փոփոխություններին անդրադառնալով՝ ասաց Պարույր Հայրիկյանը:

Նա հիշեցրեց, որ հուլիսի 17-ին իրենք նամակ էին ուղարկել սահմանադրական փոփոխությունների հանձնաժողովի նախագահին՝ հայտնելով, որ անտեսված է Սահմանադրության այլընտրանքային նախագիծը, որը ԱԻՄ-ն է ներկայացնում: Պարոն Հայրիկյանը հանձնաժողովից պահանջել էր հրապարակավ ներողություն խնդրել իրենց առաջարկը հանրությունից թաքցնելու համար, ապա ներկայացնել Վենետիկի հանձնաժողովին:

«Հուլիսի 31-ին սահմանադրական փոփոխությունների հանձնաժողովի հրավերով ԱԻՄ պատվիրակությունը գնաց սահմանադրական դատարան՝ հանձնաժողովի հետ քննարկելու մեր ներկայացրած հայեցակարգի հետ կապված որոշ հարցեր: Տեղում պարզվեց, որ հանդիպումը չի կայանալու, որովհետեւ շտապ գործ էր առաջացել: Գագիկ Հարությունյանը ներողություն խնդրեց ու առաջարկեց հանդիպել մեկ շաբաթ անց, բայց հանձնաժողովի հետ ԱԻՄ նախագծի քննարկումն այդպես էլ տեղի չունեցավ»,- դժգոհեց Պարույր Հայրիկյանը:

Aravot http://cialisviagras.net/cialis-review/ buy cialis from india.am-ը պարոն Հայրիկյանից հետաքրքրվեց՝ երեկ ի՞նչ էին քննարկումՀիմնադիր խորհրդարանի գրասենյակում «Ոչ»-ի ճակատին միացած կուսակցության ու քաղաքացիական նախաձեռնությունների ներկայացուցիչները, պարոն Հայրիկյանը պատասխանեց. «Քննարկում էինք՝ ստեղծված նոր իրավիճակում ինչ մոտեցում ցույց տանք, թվում է՝ երկու ճակատ կա, բայց իրականում այդ երկու ճակատում քաղաքական նույն ուժերն են մասնակցում: Չի կարելի այլեւս ասել, թե երկու ճակատ կա»:

Պարոն Հայրիկյանը նաեւ հավելեց, որ մինչեւ հաջորդ շաբաթ ժամանակ են տվել նաեւ այլ կուսակցություններին, նախաձեռնություններին միանալու իրենց:

Աղբիւր՝ Aravot.am