ԱԻՄ առաջնորդ Պարույր Հայրիկյանի մշակած Սահմանադրության մոդելով Հայաստանը դառնալու է աշխարհի միակ բացարձակ ժողովրդավարական երկիրը: Այս մասին այսօր` օգոստոսի 12-ին, լրագրողների հետ զրույցում ասաց ԱԻՄ առաջնորդը:
«Սահմանադրական բարեփոխումների գլխավոր թերությունն այն է, որ այնտեղ քաղաքացիներին վերաբերող հստակ դրույթներ չկան, իսկ մեր տարբերակում Հայաստանը կդառնա աշխարհի առաջին և միակ բացարձակ ժողովրդավարական երկիրը»-ասաց ԱԻՄ` Պարույր Հայրիկյանը, հավելելով, որ եթե քաղաքական ուժերի հետ չստացվի, աշխատելու է ժողովրդի հետ:
Պարույր Հայրիկյանը նաև հիշեցրեց, որ ժամանակին ինքն է գլխավորել սահմանադրական բարեփոխումների հանձնաժողովը, ինչի մասին հիմա գերադասում են չհիշել. «Տկարամիտներն անգամ ուրանում են, որ ես գլխավորել եմ սահմանադրական բարեփոխումների հանձնաժողովը: Իսկ հիմա ես մարզիչի կարգավիճակում եմ»։
ԱԻՄ առաջնորդի կարծիքով` իր առաջարկած Բացարձակ ժողովրդավարական համակարգն այլընտրանք չունի, այն իր մեջ ներառում է խորհրդարանական, նախագահական և կիսանախագահական համակարգերի բոլոր առավելությունները ու զերծ է այդ համակարգերին բնորոշ թերություններից: Նրա մշակած մոդելի ամենակարեւոր կետերից մեկը պատգամավորների ձայնի իրավունքն է` ըստ նրա օգտին քվեարկած քաղաքացիների թվի։
«Յուրաքանչյուր քաղաքացի, ով մասնակցել է ընտրությանը, պետք է վստահ լինի, որ իր ձայնը հասնելու է խորհրդարան: Այսինքն` յուրաքանչյուր խորհրդարանական քվեարկելու է այնքան ձայներով, որքան ինքը ստացել է:» ասաց Պարույր Հայրիկյանը:
Հայրիկյանի կարծիքով՝ մեր երկրում սահմանադրական բարեփոխումների հրատապ անհրաժեշտություն չկա, այդ պատճառով նա բոլոր քաղաքական ուժերին կոչ է անում միավորվել՝ ընդդեմ սահմանադրական բարեփոխումների. «Ո'չ, բոյկո'տ և բացարձակ ժողովրդավարություն ասողներ, եկեք միանանք իրար, ներկայացնենք միակ ամենաճիշտ տարբերակը և պայքարենք»:
Աղբիւր՝ News.am
Որոնում
Վերջին տեսանիւթեր
Պարոյր Հայրիկեանի ասուլիսը ՀԱՅԱՑՔ ակումբում, 13-ը ապրիլի 2016 թուական
Համախմբում ալընտրանքային նախագծի շուրջ՝ Սահմանադրական դավադրությանը «ոչ» ասելու համար
Ովքե՞ր էին դեմ անկախությանը. հռչակագրի ընդունումից 25 տարի անց Հայաստանի անկախությունը վտանգված է
Պարոյր Հայրիկեանի ասուլիսը ՊՈՍՏ ՍԿՐԻՊՏՈՒՄ ակումբում 28-ը ապրիլի, 2015 թուական
Նույն է, որ սիրո առաջարկ անողին կալանավորեն բռնաբարության փորձի համար. Հայրիկյան
P.S. Հյուրը Պարույր Հայրիկյանն է
Պարոյր Հայրիկեանի ասուլիսը ՀԱՅԱՑՔ ակումբում 10-ը մարտի, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում, 14-ը փետրուարի, 2015 թուական
Պարոյր Հայրիկեանի ասուլիսը յունուարի 31-ին, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում 13-ը նոյեմբերի, 2014
