Ռուսական արջը մեր երկիրը վերածել է անապատի. Միքայել Նալբանդյանին, Վահան Տերյանին, Եղիշե Չարենցին, Խաչատուր Աբովյանին սպանել են ռուսները: Այս մասին փետրվարի 18-ին հայտարարեց ԱԻՄ առաջնորդ Պարույր Հայրիկյանը Ազատության հրապարակում ԱԻՄ-ականների երդման օրվանը նվիրված հանրահավաքի ժամանակ՝ անդրադառնալով «Ռուսաստանի կատարած չարագործություններին» եւ ՄՄ-ին Հայաստանի անդամակցության վատ հետեւանքներին: (ֆոտոռեպորտաժ)
«Իշխանությունը որքան հեռանում է մարդուց, այնքան մոտենում է բռնապետությանը, և այդ ամենի եզրափակում կարելի է համարել անդամակցությունը ՄՄ-ին։ Արդեն գների աճը մենք տեսանք, հազիվ ծայրը ծայրին հասցնող քաղաքացուն ստիպում են մեծ գումարներ վճարել գազի համար՝ խուսափելով Իրանի հետ գազի համաձայնագրից»,- ասաց Պարույր Հայրիկյանը:
Հանրահավաքից հետո ԱԻՄ-ականները երթով գնացին կառավարություն, որտեղ հանձնեցին փետրվարի 18-ը պետականորեն Ազատության օր հռչակելու իրենց առաջարկն իր հիմնավորումներով, ապա քայլերթը շարունակեցին դեպի Միքայել Նալբանդյանի հուշարձան՝ հարգանքի տուրք մատուցելու ազատության երգչին:
Հուշարձանի մոտ կուսակցության անդամները Միքայել Նալբանդյանի բանաստեղծություններից ասմունքեցին եւ հայրենասիրական երգեր երգեցին:
Միջոցառումից հետո Պարույր Հայրիկյանը հավաքվածներին հրավիրեց իր տուն խնջույքի:
Աղբիւր` news.am
https://hayrikyan.com/index.php/%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD/381-2014-02-19-10-34-59#sigFreeId151e3a4ee1
ԴԷՊԻ ԲԱՑԱՐՁԱԿ ԺՈՂՈՎՐԴԱՎԱՐՈՒԹԻՒՆ
Նուիրում եմ բոլոր ժամանակների բոլոր ազգերի ազատասէր մարդկանց..
Ժողովրդավարութիւնը մեծագոյն համամարդկային արժէքներից է։ Պետութիւնների ժողովրդավարականութեան կողմնակիցներն արձանագրում են, որ իր բոլոր թերութիւններով հանդերձ ժողովրդավարութիւնը հասարակական յարաբերութիւնների կարգաւորման եւ ազգային պետական կեանքի կառավարման լաւագոյն համակարգային հնարաւորութիւնն է։ Ընդգծւում է նաեւ այն, որ ժողովրդավարութիւնը դարձել է միջազգային յարաբերութիւնների կարգաւորման, պետութիւնների խաղաղ գոյակցութեան եւ զարգացման գլխաւոր նախապայմանը։