ԱԻՄ առաջնորդ Պարույր Հայրիկյանն այսօր իր թիմի հետ անցկացրեց վերջին հավաքը:
«Առաջին լրատվական»-ի հետ զրույցում նա նշեց, որ այս տարին իր համար եղել է բավականին անհաջող, այդպիսին է եղել նաև հայ ժողովրդի համար. «Այս տարի Մաքսային միության խայտառակությանը միանալու որոշում ընդունվեց, և դա միանշանակ նշանակում է սառեցնել Եվրոպայի հետ մերձեցումը, տարին բացասական էր նաև այն իմաստով, որ իմ վրա կրակելով՝ փորձեցին վախեցնել ժողովրդին»:
Նա նշեց, որ մարդկանց մեջ մի պահ դրական տեղաշարժ կար դեպի ՄՄ, բայց գազային համաձայնագրերից հետո փոխվեց այդ կարծիքը:
Նշենք նաև, որ ինչպես նախորդ անգամ, այս անգամ ևս Պարույր Հայրիկյանն իր թիմակիցների երթն ուղեկցեց «ԳԱԶել»-ով:
Աղբիւր՝ 1in.am
ԴԷՊԻ ԲԱՑԱՐՁԱԿ ԺՈՂՈՎՐԴԱՎԱՐՈՒԹԻՒՆ
Նուիրում եմ բոլոր ժամանակների բոլոր ազգերի ազատասէր մարդկանց..
Ժողովրդավարութիւնը մեծագոյն համամարդկային արժէքներից է։ Պետութիւնների ժողովրդավարականութեան կողմնակիցներն արձանագրում են, որ իր բոլոր թերութիւններով հանդերձ ժողովրդավարութիւնը հասարակական յարաբերութիւնների կարգաւորման եւ ազգային պետական կեանքի կառավարման լաւագոյն համակարգային հնարաւորութիւնն է։ Ընդգծւում է նաեւ այն, որ ժողովրդավարութիւնը դարձել է միջազգային յարաբերութիւնների կարգաւորման, պետութիւնների խաղաղ գոյակցութեան եւ զարգացման գլխաւոր նախապայմանը։