Շնորհակալութիւն չէմ յայտնում որովյետեւ ճշմարտութեան հետ էինք յանուն մեզ՝ մեր ժողովրդի եւ մեր Հայրենիքի։ Մենք դիմակայեցինք ուղղակի ահաբեկչութեանը եւ դրան յաջորդած զանգվածային զրպարտարշավին։ Մեր անուղեղները չհասկացան, եւ էդպես էլ չեն հասկանայ, թէ ինչ արեցի Հայաստանի, այդ թվում նաեւ իրենց համար ։ Մենք հո գիտենք, որ մեր քարոզարշավն ընդհատվեց հունվարի 31-ին եւ մինչեւ փետրվարի 18-ը միայն մասնակցութեան երեւութականութիւնն էինք պահպանում, որպեսզի այս մահափորձն անտեսվեր այսօր եւ յետագայում Հայաստանի քաղաքական՝ պետութենական կեանքում ահաբեկչութւունն օտար ու խորթ զգար իրեն։ 
Յետաքրքիր է, նրանք ովքեր բարբաջում էին, թէ Հայրիկեանը իշխանութիւնների մարդն է, հիմա ինչ են վայրահաչելու։ 
Ես տխուր չեմ, դուք էլ մի տխրեք, իսկ մեր դեմ դավեր նիւթողները դեռ չգիտեն, թե ինչ է իրենց սպասվում։

Պարույր Հայրիկյանի ընտրական շտաբի աշխատանքների համակարգող Մանյա Այվազյանի խոսքով, այս պահի դրությամբ իրենք արձանագրել են մի շարք ընտախախտումներ, որոնք առնչվում են հիմնականում ընտրողների անձնագրերից կնիքների անհետացմանը:

«Անձամբ իմ անձնագրից անհետացել է կնիքը, իսկ մեր համակիրներից ստանում ենք ահազանգեր: Մասնավորապես 7/10, 6/27, 12/38, 2/9 ընտրատեղամասերում քվեարկած մեր համակիրների անձնագրերից անհետացել են կնիքները: Մենք գրավոր արձանագրություն չենք ներկայացրել, բանավոր դիմել ենք ԿԸՀ և տեղյակ ենք պահել, որ նման բան է տեղի ունենում: Ես ասացի, որ ԿԸՀ-ում արձանագրություն կազմեն, բայց իրենք չկազմեցին»,- նշեց Մ. Այվազյանը, փոխանցում է Panorama.am-ը:

Նրա խոսքով, որ ԿԸՀ-ից իրեն հորդորել են' գրավոր դիմել, չնայած իր ասածին չեն հավատացել, կանչել են ԿԸՀ:

«Ես ասում եմ, որ դա փաստ է, իմ անձնագիրն է, ես ուրիշի ասածի հիման վրա չեմ ասում, իմ անձնագրում այլևս չկա այդ կնիքը: Հեգնական տոնով ասացին «բա, հլը բերեք տեսնենք Ձեր անձնագիրը»: Իրենք ասացին, որ շատ հեշտ է այդ կնիքը ջնջել: Ասում եմ՝ ի՞նչ է, դիտավորյա՞լ է արված, որ մարդիկ կարողանան հեշտությամբ ջնջել՝ մանավանդ, երբ մենք բազմաթիվ ահազանգեր ենք ստանում, որ շատ տեղամասերում կրկնակի, եռակի, նույնիսկ քառակի քվեարկություն է լինում»,- ասաց Այվազյանը:

Պ. Հայրիկյանի շտաբի համակարգողը մասնավորապես նշեց, որ ընտրախախտումների վերաբերյալ ահազանգերը շատ են Արարատի մարզից, սակայն նրանք վախենում են ներկայանալ:

«Արարատի մարզի Ոստան համայնքից են ահազանգել, որ նույն քաղաքացին մի քանի անգամ է քվեարկում: Սիսավանից են զանգահարել և փոխանցել, որ իրենց ասել են, թե չեք կարող մասնակցել քվեարկության, քանի որ արդեն ձեր փոխարեն քվեարկել են: Զանգել են Արթիկի Սարալանջի գյուղից, ասում են, որ այնտեղ քվեարկությունը բաց է տեղի ունենում: Մեր վստահված անձը գտնվում է Սարալանջում, հաղորդում է, որ 20 րոպե է տեղամասում է, սակայն ոչ մի ընտրող չի մտնում ընտրատեղամաս՝ գուցե հենց նրա համար, որ նրա ներկայությամբ բաց քվեարկություն չկատարեն. երևի դրսից հսկում են տարածքը»,- մանրամասնեց Մ. Այվազյանը: Նրա խոսքով, այդ խախտումների վերաբերյալ շտաբում կկազմվեն արձանագրություններ:

Նախագահի թեկնածու Պարույր Հայրիկյանը փետրվարի 12-ին հայտարարել է, որ իր դեմ կատարված մահափորձը բացասաբար է անդրադարձել իր վարկանիշի վրա: Նա բերեց մի օրինակ, որ երբ իր այգեպանը վնասեց մատը, ինքն ինչքան էլ սիրում էր նրան, բայց այլևս աշխատանքի չհրավիրեց: Պարույր Հայրիկյանը նշեց, որ մահափորձի պատճառով ինքը ժողովրդի աչքին խոցելի ղեկավար երևաց, հետևաբար վարկանիշը նվազեց:

«Մինչ մահափորձը մենք ունեինք կայուն աճ, և մեր մասնագետների բոլոր կանախետսումներն արդարացնում էին: Կատարվածը եղավ, երեկ տեղեկացնում էին, որ ամենաշատը եթերում երևացել է Հայրիկյանը, բայց մոռանում էին նշել, որ Հայրիկյանը երևացել է ոչ որպես քարոզող, այլ որպես ահաբեկության ենթարկված անձ», ասաց նա:

Անդրադառնալով Սահամանդրական դատարան դիմում ներկայացնելուն և այն հետ վերցնելուն, Պարույր Հայրիկյանը նշեց, որ դրա շուրջ ստեղծված հուզումները արդարացված են: «Արդարացված է այն տեսնակյունից, որ մարդիկ Հայրիկյանին համարել են կայունության, վճռականության, հետևողականության խորհրդանիշ ու հանկարծ տեսնում են, որ Պարույր Հայրիկյանը դիմումը տվեց ու հաջորդ օրը հետ է վերցնում: Իրականում ես դիմումը տալու պահին տեղեկացրել էի բոլորին, որ չեմ բացառում հետ վերցնելը, սակայն ես մտածում էի դա անել երեք օրվա ընթացքում: Թղթերը հանձնելուց հետո պարզվեց, որ օրենքով միայն մեկ օր ժամանակ ունեմ: Ու ես էդտեղ պիտի որոշեի՝ երկու արժեքներից ի վերջո որին եմ նախապատվություն տալիս: Մեկը Հայրիկյան քաղաքական գործչին, մյուսը Հայրիկյան նախագահի թեկնածուին: Այսինքն՝ մեկը վերաբերում է հայաստանյան քաղաքական կայնքին, մյուսը՝ այդ պահին: Բնականաբար ես պետք է ընդհանրական իրավիճակին տայի նախապատվությունը, քանի որ ահաբեկչությունը կատարված էր ոչ թե իմ դեմ, այլ կատարված էր մեր նաև ժողովրդավարության դեմ: Ես կատարվածի առաջին օրերին ասել էի, որ չեմ հետաձգելու, սակայն ընթացքում պարզվեց, որ ես ոչ թե քարոզարշավ տանելու, այլ մի քանի րոպեից ավելի քայլելու ընդունակ չեմ, և մտածեցի, որ թերևս սահմանադրության մեջ այդ դրույթն ամրագրողները հաշվի են առել հենց այս իրավիճակը», ասաց նա:

Պարույր Հայրիկյանը նշեց, որ բացի այդ, կար ևս մեկ գործոն, որի մասին նախկինում չի խոսել: Նրա խոսքով՝ մահափորձը կատարողների նպատակը ընտրությունները մեկ կամ երկու շաբաթով հետաձգելը չէր, այլ ավելի խորն էր: «Ես տեսնում էի, որ մեզ մեր բնականոն հունից դուրս են հանում անհայտ ուժեր և դրան պետք է դիմակայել: Բացի այդ, կար ևս մեկ գործոն, որ մասին խոսել չէի ուզում: Երբ ես մոտեցա Անդիրաս Ղուկասյանին և ասեցի՝ գիտես հնարավոր է, որ միասնական թեկնածու ձևավորվի, գոնե էդ դեպքում դու կընդահատե՞ս հացադուլը: Ինքը մահվան շեմին է  կանգնած, հայ մարդը մարդը կանգնած է մահվան շեմին», ասաց նա: Պարույր Հայրիկյանը նշեց, որ ստացվում էր այնպես, որ բացի նրանից, որ ինքը ընտրություններն էր հետաձգում, այլ նաև մի հայ մարդ իր նախասիրությունների պատճառով իրեն վտանգի էր ենթարկում: Նրա խոսքով՝ եթե այդ ընթացքում Անդրիասը մահանար, դրանից կօգտվեին դավադիր ուժերը: «Երբ Անդրիասն ասաց, որ մինչև ընտրություններ շարունակելու է հացադուլը, իսկ ես իրեն հավատում եմ, ես նաև իմ խղճի վրա զգում էի այդ ծանրությունը: Երկարացնում եմ թեկուզ երկու շաբաթով և զոհասեղանին եմ դնում Անդրիասին: Գոնե այս պահին ես իմ պարտքը կատարեցի, ընտրությունները հետաձգված չեն: Ով ինչ գնահատական ուզի, կտա», նշեց նա:

Աղբյուր՝ lragir.am

Հայաստանում նախագահական ընտրությունները կկայանան փետրվարի 18-ին. ԱԻՄ առաջնորդ, նախագահի թեկնածու Պարույր Հայրիկյանի փաստաբանը Լեւոն Բաղդասարյանը Սահմանադրական դատարան նոր դիմում է ներկայացրել եւ հետ է վերցնում ընտրությունները երկշաբաթյա ժամկետով հետաձգելու վերաբերյալ երեկ` փետրվարի 10-ին ներկայացրած դիմումը: Այս մասինNEWS.am-ի թղթակցի հետ զրույցում ասաց Պարույր Հայրիկյանը:  «Մենք ամսի 18-ին կունենանք ընտրություններ: Որեւէ ստահակ, որեւէ ահաբեկիչ չպետք է ի վիճակի լինի փոխել ժողովրդավարական գործընթացները Հայաստանում, դա իմ ելակետային դիրքորոշումն էր»,- ասաց նա:

Հարցին, թե կարծես միասնական թեկնածու չի ձեւավորվել, իսկ ընտրությունները չհետաձգելու ձեր միակ պայմանը դա էր, նա պատասխանեց, որ միասնական թեկնածու կարող է ձեւավորվել որեւէ պահի: Մեր դիտարկմանը, թե Հրանտ Բագրատյանը նշել է, որ միասնական թեկնածուի մասին կարելի է խոսել, եթե յուրաքանչյուր թեկնածու հայտարարի, որ ընդդիմադիր է, հրաժարվում է ցանկացած պաշտոնից եւ չի շնորհավորելու իշխանության թեկնածուին, նա արձագանքեց. «Պարոն Բագրատյանը շատ ճիշտ բան է ասել, եւ բոլորը պետք է այդպիսի հայտարարություն անեն»:

Նշենք, որ երեկ Պարույր Հայրիկյանը ընտրությունները երկշաբաթյա ժամկետով հետաձգելու վերաբերյալ դիմում էր ներկայացրել ՍԴ: Նա նշել էր, որ եթե առաջիկա երկու օրերի ընթացքում ընդդիմադիր թեկնածուների միավորումը կայանա, ապա ինքը դիմումը հետ կվերցի եւ ընտրությունները կկայանան փետրվարի 18-ին: Հակառակ դեպքում ինքը կհետաձգի ընտրությունները, որպեսզի կարողանա ամբողջական քարոզարշավ իրականցնել: Անդրադառնալով միասնական թեկնածուի ստեղծմանը` Հրանտ Բագրատյանը հայտարարել է, թե դրա համար նախ պետք է յուրաքանչյուրը հայտարարի, որ ընդդիմադիր է, հրաժարվում է ցանկացած պաշտոնից եւ չի շնորհավորելու իշխանության թեկնածուին:

Աղբյուր՝ News.am

ՀՀ նախագահի թեկնածու, ԱԻՄ առաջնորդ Պարույր Հայրիկյանը, ով իր դեմ մահափորձի արդյունքում ստացած հրազենային վնասվածքի պատճառով գտնվում է հիվանդանոցում, իր Facebook-ի էջում պատասխանել է «ՀՅԴ» խմբակցության պատգամավոր Վահան Հովհաննիսյանին:

«Այսօր իմացայ, որ դաշնակցական Վահան Յօվհաննիսեանը իրեն շատ տարօրինակ է պահել․․․․ Այնպիսի տպավորութիւն ստացայ, ասէս, ինքն էլ նրանցից է, ովքեր ցավում են, որ ես չեմ սպանուել։

-Տղայ ջան, մի հուզվիր, ես հասկանում եմ, քո տեռորապաշտ էութիւնը ծանր է տանում որեւէ տեռորիստի ձախողումը։ Բայց սա իմ՝ քո և քո հայրիկի չիրականացած երազները իրականութիւն դարձրած մարդու դեմ արուած մահափորձ է։ Վահան ջան, ինչու մոռացար ԱՄԿ 40-ամյակի քո ելույթը։ Ուզու՞մ ես ֆեյսբուկում տեղադրեմ ։ Եվ մի բան էլ՝ այս մահափորձի նկատմամբ արտահայտած վերաբերմունքով, ես կարծում եմ, սկսվել է ԿԳԲ-ի բոլոր գաղտնի գործակալների ինքնաբացայայտումը։ Քո մասին շատ են ասել, որ դու ԿԳԲ-ի գործակալ ես եղել, բայց չէի հավատում և յիմա էլ չէմ ուզում յավատալ։ Ռուսական իմպերիալիզմի գաղափարախոսութեան պաշտպա՞ն էս դարձել։ Կարծում էս դա՞ է քո առաքելութիւնը։ Մի՞թե չգիտես, որ կարգին ռուսները դրա դեմ են պայքարում։ Հոխորտում ես, թեև անգամ թեկնածու առաջադրելու տարրական մակարդակը չունեցաք․․․ Բայց քո պատճառով ես դաշնակցութեանը չեմ փնովի, որովհետև բազմաթիվ ազնիվ դաշնակցական ընկերներ ունեմ եվ այնքան բան եմ սովորել մեծ դաշնակցականներից։

Լավ եղիր ու մի մտածիր ներողութիւն խնդրելու մասին։ Ներուած ես․․․»,- գրել է Պարույր Հայրիկյանը:

Հիշեցնենք, որ ՀՅԴ բյուրոյի անդամ Վահան Հովհաննիսյանը մամուլի ասուլիսում նշել էր, որ Հայրիկյանի մահափորձի՝ դրսի ուժերի կազմակերպած լինելու վարկածների մասին կարելի է խոսել մի դեպքում՝ «երբ վստահ ես»: «Չեմ կարծում, որ նման հայտարություններն օգտակար են: Կարելի է ասել, կասկածների մասին, բայց օտար ուժերն էլ տարբեր են լինում, օրինակ Ադրբեջանն ու Թուրքիան: Միանգամից վճռականորեն նշել մի հասցե՝ Ռուսաստան, չի կարելի: Եթե Ռուսաստանն արդեն այն աստիճանի է հասել, որ Հայաստանում ընտրություններում առանձնապես շանսեր չունեցող պրոարևմտյան թեկնածու է փնտրում, որ խփի, նրանից շատ պրոռուսական թեկնածուներ կան:  Նախ չեմ կարծում, որ Ռուսաստանն այդպես վարվեր, բայց չեմ կարող պնդել հակառակը, որովհետև չգիտեմ: Միանգամից մեղադրում են ռուսներին՝ կրակեցին, արա դուք ո՞վ եք որ ձեզ կրակեն, կարաք մի հատ ինձ բացատրեք»,- ասել էր նա:

Աղբյուր՝ Aravot.am

ՀՀ նախագահի թեկնածուներ Հրանտ Բագրատյանին, Արամ Հարությունյանին,

Րաֆֆի Հովհաննիսյանին, Անդրիաս Ղուկասյանին, Արման Մելիքյանին,

Սերժ Սարգսյանին, Վարդան Սեդրակյանին

Պաշտոնական քարոզարշավի իր մեկնարկային հեռուստաուղերձով, ՀՀ նախագահի թեկնածու Պարույր Հայրիկյանը, խոսելով համատարած հուսալքության, արմատացած և անշրջելի թվացող վախի մթնոլորտի մասին, զուգահեռ անցկացրեց, թե ինչպես էին ԽՍՀՄ ԿԳԲ-ի բանտերում կոտրում, հուսալքում և բարոյալքում մարդկանց. «Սիրելի հայրենակիցներ, այսօր թեպետ ծպտյալ, սակայն հենց այդ նույն ուժերն են ձեզ այս օրին հասցրել: Մի վհատվեք, մենք գերված ենք, բայց ոչ ստրուկներ, մենք միասին ենք ուղղելու մեր մեջքը»: Հայաստանի հանրային հեռուստաեթերից հնչած այս իրադարձային ուղերձին հաջորդեց մահափորձը Պարույր Հայրիկյանի դեմ:

Ուժգնացավ Պարույր Հայրիկյանին քաղաքական գործչից պատմական, թանգարանային և ժամանակավրեպ կերպարի վերածելու` դեռևս 1991 թվականից սկսված գործընթացը: Նրա քաղաքական մեկուսացումը շարունակելու, նրա ծրագրերը շրջանցելու-արգելափակելու համար, գործի դրվեց չեկիստական բազմաֆունկցիոնալ մեթոդների ողջ զինանոցը:

Պարույր Հայրիկյանին հերոսականացնելուն, անկախության խորհրդանիշի և հուշարձանի վերածելուն միտված սիրո խոստովանություններին ու խոնարհումներին զուգահեռաբար, համարժեք ջանադրությամբ շրջանառության դրվեց նրա` կոլաբորացիոնիստների ռեժիմին ծախվելու մասին տիրաժավորված զրպարտչությունը:

Հունվարի 31-ի ահաբեկչությունը դեռևս գործողության մեջ է: Տապալված մահափորձից հետո, Պարույր Հայրիկյանի ծրագրավորված սպանությունը փոխարինվել է քաղաքական հաշվեհարդարով, հրապարակային վարկաբեկման` մեդիա-ահաբեկչությամբ:

Պարոնայք թեկնածուներ, այսպես շարունակելն այլևս պետական դավաճանություն է: Քանի դեռ Հայաստանը միջազգային իրավունքի սուբյեկտ է, քաղաքական աքսորում հայտնված անկախության պայքարի վերականգնման և Հայաստանի Հանրապետության ապագաղութացման հնարավորությունը կա: Եթե գործողության մեջ դրված այս ահաբեկչության մաս չեք կազմում, պահանջում ենք.

Հանե'լ ձեր թեկնածությունները և անկախության պայքարի առաջնորդ Պարույր Հայրիկյանին ընտրացուցակում սկզբունքորեն թողնել միայնակ` 2013 թվականի փետրվարի 18-ի ՀՀ նախագահի ընտրությունները վերածել ՀՀ Անկախության Հանրաքվեի վերահաստատման արարողության:

Գեորգի Վանյան, Երևան, Հայաստան

Խաղաղարար Նախաձեռնությունների Կովկասյան Կենտրոնի նախագահ

Վահե Ավետյան, Սթոքհոլմ, Շվեդիա

Հայաստանի Հանրապետական Կուսակցության առաջին խորհրդի անդամ,

Վտարանդի հայ գրողների միություն

Արա Բալիոզյան, Քիչեներ, Կանադա

Գրող

Քրիստինա Պողոսյան, Էրֆուրտ, Գերմանիա

Արվեստի մագիստրոս, սոցիոլոգ

Էրֆուրտի համալսարանի քաղաքագիտության ամբիոնի ասպիրանտ

Հենրիկ Խաչատրյան (Սէվ), Հոլիվուդ, ԱՄՆ

Նկարիչ

Լոիզա Պողոսյան, Երևան, Հայաստան

Հարավկովկասյան ինտեգրացիա. Այլընտրանքային մեկնարկ կայքի խմբագիր

Սարգիս Հովհաննիսյան, Գյումրի, Հայաստան

Նկարիչ

Վարդան Հովհաննիսյան, Վալենսիա, Իսպանիա

«Ազդարար» համահայկական հանդես

Գարսևան Խաչատրյան, Երևան, Հայաստան

Ռեժիսոր

Եվգենիա Բաբայան, Երևան, Հայաստան

Գործազուրկ

Նարինե Ավետյան, Սունդսվալ, Շվեդիա

Գրող, լրագրող

Կարեն Վարդանյան, Երևան, Հայաստան

Գործարար

7 փետրվար 2013

Հայաստանի նախագահի թեկնածու Պարույր Հայրիկյանի դեմ հունվարի 31-ին կատարված մահափորձը թեկնածուի վարկանիշի մեջ որևէ շարժ չի գրանցել: Այսօր լրագրողների հետ հանդիպմանը նման հայտարարությամբ հանդես եկավ ՀՀ նախագահի թեկնածուի ընկեր, նրա շտաբի արտաքին կապերի պատասխանատու Կարո Եղնուկյանը: 

Աղբյուր` Panorama.am

Հունվարի 31-ին Տպագրիչների 9 հասցեում մահափորձի ենթարկված եւ «Սուրբ Գրիգոր Լուսավորիչ» բ/կ-ում վիրահատության ենթարկված ԱԻՄ ղեկավար, նախագահի թեկնածու Պարույր Հայրիկյանը մինչեւ այսօր առավոտյան համոզված էր, որ ոչ մի օրով չի հետաձգելու փետրվարի 18-ին կայանալիք նախագահական ընտրությունները: Այս մասին քիչ առաջ հիվանդանոցում լրագրողների հետ զրույցում ասաց Պարույր Հայրիկյանը: Նա նշեց, որ որոշ թեկնածուներ կարծում են, որ ամեն ոք իրավունք ունի դիմել Սահմանադրական դատարան, համարում են, որ դա  ոչ միայն այն թեկնածուի հարցն է, որը կորցրել է  հավասար մրցակցային պայմանների հնարավորությունը, եւ դա տրամաբանական է համարում՝ իրավունքի տեսանկյունից ելնելով: « Դա մի փոքր խնդիր առաջացրեց, ես ուզում էի խորհրդակցել թեկնածուների հետ, բացի այդ մի քանիսի հետ խորհրդակցել եմ, լսեցի նաեւ կարծիքներ, մասնավորապես այն բանի մասին, որքանով  կարելի է  ժողովրդավարական համարել գործընթացը, որին մաս է կազմում նաեւ ահաբեկչությունը, այդ տեսակետից պետք էր մտածել: Այսօր հատուկ հետազոտություն ենք անցկացրել՝ պարզելու, թե իրավունք ունենք մտածել, որ  սա էապես չի ազդել գործընթացների վրա»,- ասաց նա՝ տեղեկացնելով, որ  վաղը ժամը 12-ին ասուլիսի ժամանակ իր փաստաբանը եւ ներկայացուցիչները կհայտնեն իր դիրքորշումը:

Ինչ վերաբերում է մյոսւ թեկնածուներին,  Հայրիկյանը տեղեկացրեց, որ նրանցից մեկն ասել է, թե պայմանավորվենք, որ վաղը ժամը 12-ից  հետո ազատ ենք: «Ես որեւէ մեկին սխալ չեմ համարում, ամեն մարդ կարող է  նկատել բաներ, որ մեկ ուրիշը չի  նկատել: Ինքս  տրամադրված էի ոչ մի օր չհետաձգել»,- ասաց նա:

Նախագահին թեկնածուն շեշտեց, որ իր վարկանիշը շատ կայուն բարձրանում էր, ոչ թե ֆանտաստիկ չափերով, բայց հետեւում էին եւ վստահ էին, որ իրենց գործերը վատ չէին: «Որոշ քաղաքական ուժեր տեսել են, որ որոշ հաշվարկներում սխալ են: Չեմ հստակեցնի, քաղաքական ուժեր են, թե քաղաքականությունն օգտագործող հետին նպատակներ հետապնդող հակահայկական ուժեր: Ստվերում գործող, մեր ժողովրդի նկատմամբ  բացասական տրամադրվածություն ունեցող որեւէ ուժի ջրաղացին ես ջուր լցնել չեմ ոզում եւ իմ նախնական տրամադրվածությունն էր ոչ մի հետաձգում, նույնիսկ եթե ես տեսնում եմ, որ ինչ-որ բան կորցնում եմ: Եւ դա կապված էր  ժողովրդավարության հետ»,- ասաց նա:

ՍԴ դիմել-չդիմելու հետ կապված նրա որոշման վրա կարող է ազդել այսօրվա  հետազոտությունը եւ նաեւ մտքերի փոխանակումը  մյուս թեկնածուների հետ: «Մինչեւ այսօր առավոտյան հստակ տրամադրված էի չհետաձգել, բայց հարկավոր է  լսել նաեւ մասնագետներին՝ ահաբեկչության եւ ժողովրդավարության համատեղելիության համատեքստում»,- ասաց ԱԻՄ առաջնորդը:

Նա միանշանակ բացառեց նոր ընտրությունների պահանջը,  որովհետեւ նոր ընտրությունների գաղափարը «դավադրություն է  հայ ժողովրդի նկատմամբ»:  «Ահաբեկչության ճանապարհով հայ ժողովրդին ստիպել փոխել իր ճանապարհը, ես դրան ընդառաջ գնալու իրավունք չունեմ»,- ասաց նա՝ պատասխանելով մեր հարցին, թե Անդրիաս Ղուկասյանը կոչ էր անում դիմել ՍԴ՝ նոր ընտրություններ անցկացնելու պահանջով:

Պարույր Հայրիկյանից հետաքրրքվեցինք նաեւ, թե ի՞նչ է զրուցել երեկ Գարեգին Բ-ի հետ, ինչին ի պատասխան նա հայտնեց, որ ստացել է  նրա օրհնությունը եւ դրա համար երախտապարտ է:

Հարցին, թե իշխանությունները չե՞ն համոզում չհետաձգել ընտրությունները, նա պատասխանեց, որ «դուք էլ կարող եք ինձ ինչ-որ բաներ համոզել, դա ձեր իրավունքն է,  իսկ որոշում ընդունելն իմ իրավունքն է»:

«Ինքնորոշում նշանակում  է ամեն մեկն ինքն է որոշում, այն, ինչի համար պայքարել ենք եւ պայքարում ենք: Ի դեպ, եթե կան մարդիկ, ովքեր կցանկանան իմանալ, թե ինչու հենց Հյարիկյանին, թող մի հատ էլ նայեն «Նորօրյա պատմության մոռացվող էջեր» ֆիլմը, նայեք եւ կհասկանաք»,- ասաց նա:

Անկախության հռչակումից մինչ օրս Հայաստանի անկախության միակ վավերագիրը եղավ և մնաց Հայաստանում Ռուսաստանի Դաշնության ռազմաբազայի աշխարհագրական, քաղաքական և բարոյահոգեբանական ընդլայնման համաչափությամբ տարեցտարի բովանդակազրկվող անկախության մեր հռչակագիրը:

 Այս ընթացքում համապետական ու տեղական նշանակության բոլոր ընտրությունների անվան տակ շարունակաբար վերարտադրվեց Կրեմլի կողմից Հայաստանում ներդրված «Ղարաբաղ» կոմիտեի իշխանությունը, նույն Կրեմլի կողմից երաշխավորված «Մեր դեմ խաղ չկա» կարգախոսի դիկտատուրայով:

Իշխանության և ընդդիմության պարբերաբար փոխանցվող դերակատարությունը ստանձնած «Ղարաբաղ» կոմիտեի տարբեր ստորաբաժանումները, տարբեր հին ու նոր կուսակցությունների, բազմակուսակցականության ու քաղաքական մրցակցության անվան տակ, ոչնչացրին Հայաստանում քաղաքական համակարգի ձևավորման հնարավոր բոլոր նախադրյալներն ու միջոցները:

«Ղարաբաղ» կոմիտեի և ԿԳԲ-ի անմիջական վերահսկողությունից դուրս գտնվող Ազգային Ինքնորոշման Միավորումը (ԱԻՄ) 1988 թվականից սկիզբ առած հալածանքներից, 1991-1996 թվականներին ուժգնացած բռնություններից, գրասենյակների ու գույքի ոչնչացումից, կուսակցության անդամների նկատմամբ զանգվածաբար կիրառված ահաբեկումներից հետո հայտնվեց քաղաքական մեկուսացման մեջ:

Հայաստանի ներկայիս իշխող Հանրապետական Կուսակցությունը (ՀՀԿ), որը ծնունդ առավ ԱԻՄ-ից 1990-ի սկզբում, 1992 թվականից գերեվարվեց, 1995 թվականին կոլաբորացիոնիստների* հսկողության տակ ներառվեց «Հանրապետություն» բլոկի մեջ խորհրդարանում, իսկ 1999 թվականից մինչ օրս, ռազմականացած խունտա դարձած, վերահսկում է «Ղարաբաղ» կոմիտեի իշխանության ստորաբաժանումների անարգել և անխափան գործունեությունը Հայաստանում:

Խորհրդանշական և այսօրվա Հայաստանի ուղիղ համեմատականն է այն, որ ՀՀ նախագահի առաջին ընտրություններին «Ղարաբաղ» կոմիտեի թեկնածուն ներկայացավ ու հաղթեց առանց ծրագրի, որով մեկնարկեց ու մինչ օրս շարունակվում է անծրագիր Հայաստանի դեգերումն անհայտ ուղղությամբ:

Անծրագիր Հայաստանում ծավալվող իրադարձությունները, ԽՍՀՄ փլուզմանը զուգընթաց, ծրագրավորվել և առայսօր ծրագրավորվում են Հայաստանից դուրս` Կրեմլում: Այդ իրադարձությունների թիրախ հայաստանցիներս միայն լուռ դիտում և արձանագրում ենք մեզ հետ կատարվողն ու դրա հետևանքները:

Այս բռնապետական համակարգը դրսևորվել և անարգել դրսևորվում է հայաստանցիներիս ծրագրված ունեզրկման, զանգվածային արտագաղթի, պարբերական ու չբացահայտվող սպանությունների իրականացմամբ, մարդկանց հետևողական նվաստացմամբ, հուսալքությամբ, բարոյալքումով, ստրկացմամբ, ինչպես նաև պարբերաբար կիրառվող մասսայական գնդակահարություններով.

- ցուցադրական-արարողակարգային գնդակահարությունները Երևանի կայարանում ու Նուբարաշենում, 1991 թվականի մայիսի 27-ին.

- ցուցադրական-արարողակարգային գնդակահարությունները Ազգային Ժողովում, 1999 թվականի հոկտեմբերի 27-ին.

- ցուցադրական-արարողակարգային գնդակահարությունները Գրիգոր Լուսավորչի պողոտայում, 2008 թվականի մարտի 1-ին։

Պարոնայք թեկնածուներ, անկախության հռչակումից քսաներեք տարի անց ձեր մասնակցությամբ ՀՀ նախագահի ընտրությունները հերթական անգամ մեկնարկել են նախորդ բոլոր «ընտրությունների» արարողակարգով՝ Հայաստանում կոլաբորացիոնիստների ռեժիմի քողարկված վերարտադրումը հերթական անգամ ընտրությունների անվան տակ անցկացնելու աչքակապությամբ:

Այսպես շարունակելն այլևս պետական դավաճանություն է: Քանի դեռ Հայաստանը միջազգային իրավունքի սուբյեկտ է, քաղաքական աքսորում հայտնված անկախության պայքարի վերականգնման և Հայաստանի Հանրապետության ապագաղութացման հնարավորությունը կա:

Եթե ֆիզիկական ոչնչացման ուղիղ սպառնալիքով չԷ պարտադրված ձեր մասնակցությունը ՀՀ նախագահի ընտրություններին, կոչ ենք անում.

- հանել ձեր թեկնածությունները և անկախության պայքարի առաջնորդ Պարույր Հայրիկյանին ընտրացուցակում սկզբունքորեն թողնել միայնակ` 2013 թվականի փետրվարի 18-ի ՀՀ նախագահի ընտրությունները վերածել ՀՀ Անկախության Հանրաքվեի վերահաստատման արարողության:

Գեորգի Վանյան, Երևան, Հայաստան

Խաղաղարար Նախաձեռնությունների Կովկասյան Կենտրոնի նախագահ

Վահե Ավետյան, Սթոքհոլմ, Շվեդիա

Հայաստանի Հանրապետական Կուսակցության առաջին խորհրդի անդամ

Վտարանդի հայ գրողների միություն

Արա Բալիոզյան, Քիչեներ, Կանադա

Գրող

Քրիստինա Պողոսյան, Էրֆուրտ, Գերմանիա

Արվեստի մագիստրոս, սոցիոլոգ

Էրֆուրտի համալսարանի քաղաքագիտության ամբիոնի ասպիրանտ

Հենրիկ Խաչատրյան (Սէվ), Հոլիվուդ, ԱՄՆ

Նկարիչ

.Կոլաբորացիոնիզմի միջազգայնորեն ընդունված իրավագիտական բացատրությունը սեփական շահերը հետապնդելով, գիտակցված, կամավոր ու կանխամտածված համագործակցությունն է նվաճողի հետ, ի վնաս սեփական պետության ու ժողովրդի շահերի: Կոլաբորացիոնիզմը բոլոր երկրներում քրեապես հետապնդելի է, հաճախ անվանվում է նաև պետական դավաճանություն:

Աղբյուր՝ Aravot.am

Երեկ ուշ գիշեր հարձակման ենթարկված Պարույր Հայրիկյանին այսօր կեսօրին մոտ վիրահատել են, նա արդեն վիրահատարանից տեղափոխվել է հիվանդասենյակ: 

Վիրահատող բժշկի փոխանցմամբ` վիրահատությունը հաջող է անցել, գնդակը Հայրիկյանի ուսից հեռացրել են, հեմատոմաները` մաքրել: Հայրիկյանի ինքնազգացողությունը բժիշկները գնահատում են նորմալ, թեեւ նա նարկոսից դեռ դուրս չի եկել: Բժիշկների վկայությամբ` շատ կարճ ժամանակահատվածում նա կգնա ապաքինման: